Eze 18 | ZomZIV | STEP | TOPA thu kei tungah hong tunga:

Ezekiel 18

Mi Mawhpa Si Ding

1 TOPA thu kei tungah hong tunga: 2 Israel gam tawh kisai-a mite in paunak-a a zat uh:

“‘A pa lenggah thuk nek, a tate ha kim; ^a
a cih no mite in bang na cihnopna uh hiam?’ a ci hi.

3 Thupipen TOPA in: Ka nuntakna ka lo hi, hih paunak Israel sungah na zang nawn kei ding uh hi. 4 Ahang in, a nungta hinna peuhmah kei aa hi a, a pa le a ta a nihin kei aa hikhawm hi. Mawhna a bawlpa mah a si ding hi. ^b

5 “A thumaan a thutang -
a thumaana gamta mi khat om ci ni.
6 Amah in mualtung biakbukno ah ne loin ^c
Israel innkuante milimte zong a en kei hi. ^d
A vengte zite zong buahsak loin
a nin nei kimlai numei zong a luppih kei hi. ^e
7 Kuamah nengniam loin
sum leitawite vankhapte pia kik zaw hi. ^f
Amah in kuama aa sut loin
gilkialte an pia zaw a,
puan nei lote puan a guanzaw hi. ^g
8 A met deihna bekin kuamah sum leitawi lo a,
a met ^{▼▼18.8 Ahikeh a met la tg.13 le 17 tawh kibang} tam lua zong a la kei hi.
Khialhna bawl khak loh nadingin a khut dek tentan a,
khat le khat kikalah a kilawmin thu khen hi. ⁱ
9 Ka thukipte zui-a
ka thukhamte muanhuaitakin a tang hi. ^j
Tua bang mi a thumaan hi a,
a nungta taktak ding hi; ^k

Thupipen TOPA in cikhia hi.

10 “Amah a ngongtat tapa khat hi zenzen henla, mi sisan luangsakin hih na ^{▼▼18.10 Ahikeh hih nate a sanggampa tungah} dangte khatpeuh sem kha leh 11 (a pa in lah tuate khat beek sem kha kei leh): ^m

“Amah in mualtung biakbuknote ah a ne hi. ⁿ
A vengte zite buahsak hi.
12 Mizawngte le a tasamte nuainet hi. ^o
Mi na a mawkna-in sut hi.
Sum leitawi tanga a vanlakte pia kik nawn lo hi. ^p
Milimte lam nga hi.
A kihhuai nate sem hi.
13 A met bek lametna-in mite sum leitawisak a, a met tampipi la hi. ^q

Tua bang mi nungta ding ahi hiam? A nungta kei ding hi! Bang hang hiam cih leh hih a kihhuai nate khempeuh sem khin hi. Amah sihsak taktak ding hi-a a sisan ama lutung mah ah tu ding hi.

14 “Ahi hangin hih tapa in tapa mah nei henla, a pa mawhna bawl teng mu a amuh hangin tuate sem kei leh: ^r

15 “Amah in mualtung biakbukno te ah ne loin,
Israel innkuante milimte lam a nga kei hi. ^s
A vengte zi buahsak lo hi.
16 Kuamah nengniam loin
sum leitawina ah vanlak a nei kei hi.
Kuama na zong sut loin
gilkialte an pia zaw a, ^t
puan nei lote puan guan hi. ^u
17 Mawhna bawl kha lo dingin ^{▼▼18.17 Septuagint (tg. 8 zong en in); Hebrew in mizawngte tung pan} a khut dek tentan a,
tangpi van la loin a met tam lua zong a ngen kei hi.
Ka thukhamte tangin ka thukipte zui hi. ^w

A pa’ mawhna hangin a si kei ding hi; a nungta taktak ding hi. 18 Ahi hangin a pa in mi zawhthawh bawlin, a sanggampa na sutin mite lakah khialhna bawl ahi manin a mawhna hangin a si ding hi.

19 “Tua hi napi, ‘Bang hangin a pa mawhna a tapa in thuak kha lo ding hiam?’ ci-in nong dong uh hi. A tapa in thumaan thutang semin ka thukipte khempeuh limtakin a zuih nungsang, a nungta taktak ding hi. 20 Mawhna a bawlpa a si ding hi. Tapa in a pa’ mawhna thuak kha lo dinga, pa in zong tapa mawhna a thuak kha tuan kei ding hi. A thumaan mi in a thumaanna thaman sang dinga, migilote a gitlohna amah kithuaksak ding hi. ^x

21 “Ahi zongin migilo khat a mawhna bawlnate panin kihei-a, ka thukipte zui-in thumaan thutangin a gamtat leh a nungta taktak ding hi; a si kei ding hi. 22 A hihsate khempeuh kiciamteh nawn loin kimaisak ding hi. A maana a gamtatnasa hangin a nungta ding hi. 23 Migilo khat sihna hangin nuam ka hi hiam? Thupipen TOPA in cikhia hi. Nuam lo tham loin kisikin a nuntak ciangin nuam zaw hi lo ka hi hiam? ^y

24 “Ahi zongin a thumaan mi khat thumaan nawn loin migilo khat sep ahi a kihhuai mawhna a bawl leh a nungta ding hiam? Ama thumaan-nasate khat beek a kiciaptehsak kei ding hi. A muanhuai lohna hangin a mawh hi-a, a bawlsa mawhna hangin a si ding hi. ^z

25 “Tua hi napi, ‘Topa hihzia thutang lo hi,’ na ci uh hi. Israel innkuante aw, za un: Ka hihzia thutang lo ahi hiam? 26 A thumaan mi khat in a thumaanna lehngatsanin mawhna a bawl leh tua hangin a si ding hi; amah a bawlsa mawhna hanga si hi ding hi. 27 Ahi hangin migilo khat in a gitlohnasa lehngatsanin thumaan thutangin a gamtat leh a nuntakna a hon ding hi. 28 Amah in a mawhnasa khempeuh ngaihsun thei-in lehngatsan ahi manin a nungta taktak ding hi; amah a si kei ding hi. 29 Tua hi napi Israel innkuante in, ‘Topa hihzia a thutang kei hi,’ ci uh hi. Israel innkuante aw, ka hihzia thutang lo ahi hiam? A thutang lo no hihzia hizaw lo ahi hiam? ^aa

30 Tua ahi ciangin Israel innkuante aw, nomau hihzia tawh kizui-in no tungah thu kong khen ciat ding hi, Thupipen TOPA in cikhia hi. Kisik un! Na gamtatnasa uh lehngatsan un tua ciangin na mawhna uh hangin na puk nawn kei ding uh hi. 31 Na gamtatnasa khempeuh panun kikhel unla, lungsim thak le kha thak nei un. Israel innkuante aw, bang hang si ding na hi uh hiam? 32 Bang hang hiam cih leh mi khatpeuh sihna ah ka lungdam kei hi. Kisikin nungta un! Thupipen TOPA in cikhia hi. ^ab